NRK5. okt., 18:01
Ung mann død i bussvelt i Sverige Ein ung mann er død i ei bussulykke i Sverige. Minst ti personar er alvorleg skadde, melder SVT. Ein dobbeldekkar med rundt 45 personar om bord køyrde av vegen og velta på riksveg 25 mellom Växjö og Alvesta i Småland måndag ettermiddag. Det er uvisst kva som er årsaka til ulykka. Politiet har sperra vegen og gjennomfører tekniske undersøkingar. Dei har også avhøyrt fleire personar, blant anna passasjerar og føraren av bussen. Dei skadde er frakta til sjukehus med helikopter og ambulansar, ifølge redningstenesta. Regionen har sett krisestab etter hendinga.